თბილისში ავარიას მოპედის მძღოლი ემსხვერპლა
თბილისში, ცინცაძის ქუჩაზე ავტოსაგზაო შემთხვევა მოხდა. ერთმანეთს მსუბუქი ავტომობილი და მოპედი დაეჯახა.
ავტოსაგზაო შემთხვევის შედეგად მოპედის მძღოლი ადგილზე დაიღუპა.
ფორმულას შინაგან საქმეთა სამინისტროში უთხრეს, რომ მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
