ტოკიოში, ერთ-ერთ რესტორანს ხანძარი გაუჩნდა - დაშავებულია 20 ადამიანი

ტოკიოში, ძლიერი აფეთქების შედეგად ერთ-ერთ რესტორანს ხანძარი გაუჩნდა.

ხანძრის შედეგად 20 ადამიანი დაშავდა, რესტორანი კი მთლიანად დაიწვა.

მიზეზი ამ დროისთვის უცნობია, თუმცა სამართალდამცავები ბუნებრივი აირის გაყვანილობასთან დაკავშირებულ პრობლემებს არ გამორიცხავენ.

რესტორანი სადგურთან ახლოს მდებარეობს. აფეთქების გამო, სადგურის მუშაობა შეჩერდა. პარალიზებული იყო სარკინიგზო გზა, 800 მგზავრი კი ევაკუირებული.