სტიქიას ახმეტაში მსხვერპლი მოჰყვა
ახმეტის მუნიციპალიტეტის სოფელ ქისტაურში სტიქიას მსხვერპლი მოჰყვა.
როგორც ცნობილია, ქარმა ავტობუსის გაჩერება მოგლიჯა, რომელიც ერთ-ერთ ეზოში ჩავარდა და კაცს დაეცა.
კაცი სასწრაფო დახმარების ჯგუფის მისვლამდე გარდაიცვალა.
ადგილზე მობილიზებულია პოლიცია.
შინაგან საქმეთა სამინისტროში ფორმულას უთხრეს, რომ გამოძიება სისხლის სამართლის კოდექსის 116-ე მუხლით ( სიცოცხლის მოსპობა გაუფრთხილებლობით) დაიწყო.
