შსს-მ უკანონო ცეცხლსასროლი იარაღები და საბრძოლო მასალა ამოიღო - დაკავებულია 10 ადამიანი
შინაგან საქმეთა სამინისტრომ თბილისა და რეგიონებში უკანონო ცეცხლსასროლი იარაღები და საბრძოლო მასალა ამოიღო, რაზეც 10 ადამიანი დააკავა.
კერძოდ, პოლიციამ დაკავებულების სახლებისა და ავტომობილების ჩხრეკის შედეგად სხვადასხვა სახის საბრძოლო მასალა: პისტოლეტები, რევოლვერები, სანადირო თოფი, მჭიდები და ვაზნები ამოიღეს.
"ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ფაქტებზე დაკავებული არიან: 1984 წელს დაბადებული შ.ბ., 1996 წელს დაბადებული ო.ბ., 1990 წელს დაბადებული გ.კ., წარსულში ნასამართლევი პირები: 1993 წელს დაბადებული ა.გ., 1980 წელს დაბადებული თ.წ., 1997 წელს დაბადებული გ.შ., 1981 წელს დაბადებული მ.ხ. და უცხო ქვეყნის მოქალაქეები: 1998 წელს დაბადებული ს.ე., 1998 წელს დაბადებული ს.ა., და 2005 წელს დაბადებული ე.ქ.", - წერია უწყების განცხადებაში.
გამოძიება სისხლის სამართლის კოდექსის 236-ე მუხლის მე-3, მე-4 და ნაწილებით მიმდინარეობს.
დაკავებულებს თავისუფლების 7 წლამდე ვადით აღკვეთა ემუქრებათ.
