შოვში, სტიქიის ზონაში დაღუპული 32-ე ადამიანის ცხედარი იპოვეს

შინაგან საქმეთა სამინისტროს ცნობით, რაჭაში, მდინარე ჭანჭახის კალაპოტში, კიდევ ერთი ცხედარი იპოვეს.

უწყების განცხადებით, ონის მუნიციპალიტეტში, სტიქიის ზონაში ამ დროისთვის 32 ცხედარია აღმოჩენილი, ხოლო 1 ადამიანს კვლავ ეძებენ.

3 აგვისტოს, კურორტ შოვში მეწყერი ჩამოწვა. ადიდებულმა მდინარემ წაიღო სამანქანო ხიდი და კოტეჯები, სადაც დამსვენებლები იყვნენ.

მოსახლეობის დასახმარებლად ადგილზე ჩაფრინდა სასაზღვრო პოლიციის 2 სამაშველო ვერტმფრენი, ჩართულია მძიმე ტექნიკა და თავდაცვის ძალების 220 სამხედრო მოსამსახურე.