![რუსმა ოკუპანტებმა პოლტავაში სამოქალაქო ინფრასტრუქტურაზე იერიში მიიტანეს](https://fl-cdn.fms-static.com/cdn-cgi/image/fit=cover,width=600,height=338,format=auto/c6f155e6-a0ee-4df7-be39-342b30abd9e9.jpg)
საქართველოს ეროვნული ბანკი მიმდინარე წლის ოქტომბრის მიმოხილვას აქვეყნებს. სებ-ის თანახმად, აგვისტოში საქართველოში გადმორიცხული თანხების მოცულობამ წინა წლის იმავე პერიოდთან შედარებით, 14.1%-ით დაიკლო და 287$ მილიონი შეადგინა.
რაც შეეხება საქართველოდან გადარიცხვებს, მათი ცნობით, კლებაა ამ მიმართულებითაც. ამბობენ, რომ გადარიცხული თანხების მოცულობა 1%-ით, 29.2$ მილიომდე შემცირდა.
გარდა ამისა, სებ-ში აღნიშნავენ, რომ რუსეთიდან ფულადი გადარიცხვებმა აგვისტოში წლიურად 46%-ით იკლო. ასევე, რეგიონის ქვეყნებიდან, ყაზახეთიდან გადმორიცხული სახსრები მნიშვნელოვნად (54.9%-ით) გაიზარდა, ხოლო ყირგიზეთიდან და აზერბაიჯანიდან გადმორიცხული თანხები 63.9% და 20.2%-ით შემცირდა.
ეროვნული ბანკის ინფორმაციით, მცირედით დაიკლო თურქეთიდან გადმორიცხულმა თანხებმა, ხოლო უკრაინიდან გადმორიცხვები წინა წლის მინიმალურ დონესთან შედარებით გაზრდილია. რაც შეეხება აშშ-ს, სებ-ში ამბობენ, რომ გადმორიცხული ფულადი სახსრები "მაღალი ტემპით ზრდას განაგრძობს" და ის 37.6%-ით გაიზარდა.