საია: არალეგიტიმურმა მთავრობამ არ უნდა მიიღოს გადაწყვეტილებები, რომლებიც ხალხის ნებას ეწინააღმდეგება

ახალგაზრდა იურისტთა ასოციაციის განცხადებით, "არალეგიტიმურად დამტკიცებულმა მთავრობამ არ უნდა მიიღოს გადაწყვეტილებები, რომლებიც ქვეყნის კონსტიტუციას და მოქალაქეების ნებას ეწინააღმდეგება".

"საქართველოში მოქალაქეების 80%-ზე მეტი მტკიცედ უჭერს მხარს ევროპულ და ევროატლანტიკურ ინტეგრაციას. ეს არა მხოლოდ საზოგადოებრივი ნება – ეს კონსტიტუციით გარანტირებული არჩევანია! საია, როგორც ადამიანის უფლებების დამცველი ორგანიზაცია, მისი მანდატის ფარგლებში ბოლომდე იდგება ხალხის გვერდით მათი უფლებებისა და კონსტიტუციის დასაცავად", - წერია განცხადებაში.