საელჩო: აშშ მხარს უჭერს ქართველების ძალისხმევას ქვეყნის EU-სკენ მისწრაფებების წინ წასაწევად
საქართველოში აშშ-ის ელჩი რობინ დანიგანი სოციალური სამართლიანობის ცენტრის ხელმძღვანელობას შეხვდა და კანონის უზენაესობის ხელშეწყობის, გარემოს დაცვის, დემოკრატიისა და თანასწორობის ადვოკატირებაში მათი საქმიანობის შესახებ მოისმინა.
შეხვედრის შემდეგ, საელჩომ Facebook-ზე განცხადება გაავრცელა, რომელშიც წერს, რომ საქართველოს აქტიური სამოქალაქო საზოგადოება მნიშვნელოვან როლს ასრულებს ქვეყნის ევროატლანტიკურ გზაზე.
საელჩოს განცხადებით, შეერთებული შტატები მხარს უჭერს ყველა ქართველის ძალისხმევას ქვეყნის ევროკავშირისკენ მისწრაფებების წინ წასაწევად.
