აქციების სასტიკი დარბევის გამო, ჩეხეთმა საქართველოს 5 მოქალაქე სანქცირებულთა სიაში შეიყვანა
ჩეხეთის მთავრობამ ეროვნულ სანქციების სიას ხუთი საქართველოს მოქალაქე დაამატა: შინაგან საქმეთა მინისტრის მოადგილე, სამი მოსამართლე და ერთი პროკურორი. ჩეხეთის საგარეო საქმეთა სამინისტროს ცნობით, ეს პირები პასუხისმგებელნი არიან ბოლო ორი წლის განმავლობაში საქართველოში საპროტესტო აქციების სასტიკი დარბევისთვის.
ჩამოთვლილ პირებს შორისაა შინაგან საქმეთა მინისტრის მოადგილე ალექსანდრე დარახველიძე, რომელმაც საჯაროდ გაამართლა ძალის გამოყენება საქართველოს უსაფრთხოების ძალების მიერ დემონსტრანტების წინააღმდეგ. ასევე სანქციები დაეკისრათ მოსამართლეებს კობა ჩაგუნავას, ნინო გალუსტაშვილს და მიხეილ ჯინჯოლიას, ასევე პროკურორ ლაშა კოტრიკაძეს.
