საარჩევნო სიიდან გამქრალი ემიგრანტები
სად გაქრა საკონსულო აღრიცხვაზე მყოფი ათი ათასობით ამომრჩეველი? ცენტრალურ საარჩევნო კომისიას ისრები საგარეო საქმეთა სამინისტროზე გადააქვს. საგარეო უწყება - დუმს. არადა საარჩევნო კომისია უბნების გახსნის გადაწყვეტილებას სწორედ სამინისტროს მიერ აღრიცხული მოქალაქეების შესახებ მონაცემების საფუძველზე იღებს. 60 უბანი მხოლოდ 66 ათასი ამომრჩევლისთვის მსოფლიოს მასშტაბით. ცესკო 2020 წლის არჩევნების შემდეგ, წლევანდელ არჩევნებზე მხოლოდ 8 ახალ უბანს დაამატებს. არც ერთს - ამერიკის შეერთებულ შტატებში, სადაც უამრავი ქართველი ცხოვრობს, და მხოლოდ ორს ამატებს - ევროპაში.
