რუსეთმა კიევი დაბომბა, დაიღუპა სულ მცირე 10 ადამიანი
24 აპრილს ღამით რუსმა ოკუპანტებმა კიევი დაბომბეს. ოკუპანტებმა უკრაინის დედაქალაქზე კომბინირებული იერიში განახორციელეს - თავს დაესხნენ როგორც უპილოტო საფრენი აპარატებით, ასევე ბალისტიკური რაკეტებით.
უკრაინული მედიის თანახმად, თავდასხმას, სულ მცირე, 10 ადამიანი ემსხვერპლა, დაშავებულთა რიცხვი კი 70-ს აღემატება, მათ შორის 6 არასრულწლოვანია.
კიევის მერის ვიტალი კლიჩკოს თქმით, სხვადასხვა რაიონების დაბომბვას მოჰყვა ნგრევა და ზოგან ხანძარი. მისი თქმით, საგანგებო სამსახურის თანამშრომლები ადგილზე მუშაობენ.
"დანგრეულია საცხოვრებელ სახლები, ნანგრევების ქვეშ მოყოლილი ადამიანების ძებნა გრძელდება", - თქვა ვიტალი კლიჩკომ.
