რატომ ფერხდება გადმორიცხვები?

რუსული კანონის დამტკიცების შემდეგ სულ უფრო გახშირდა შემთხვევები, როცა ემიგრანტები სამშობლოში ფულს ვეღარ რიცხავენ. ფორმულას უცხოეთიდან არაერთი ქართველი ესაუბრა, რომელთაც ანალოგიური პრობლემები აქვთ. ემიგრანტები გადააწყდნენ კიდევ ერთ წინააღმდეგობას - გამოვლინდა ფაქტები, როდესაც უცხოურ ბანკებში ანგარიშებს ვეღარ ხსნიან. საზღვარგარეთ მცხოვრები საქართველოს მოქალაქეები შიშობენ, რომ ივანიშვილის პოლიტიკის გამო შესაძლოა შეექმნათ სხვა პრობლემებიც, რაც იქ ცხოვრებასა და მუშაობას ეხება.