ოკუპანტების თავდასხმის შედეგად უმანში მდებარე მარცვლეულის საწყობში ხანძარი გაჩნდა

ღამით რუსეთის საოკუპაციო ძალებმა ჩერკასის ოლქს დრონებით შეუტიეს, როგორც უკრაინული მედია წერს, დარტყმები განხორციელდა უმანში მდებარე ინდუსტრიულ ინფრასტრუქტურაზე.

ჩერკასის ოლქის რეგიონული სახელმწიფო ადმინისტრაციის ხელმძღვანელი, იგორ ტაბურეცი ტელეგრამ არხზე წერს, რომ თავდასხმის შედეგად მარცვლეულის საწყობში ხანძარი გაჩნდა. წინასწარი ინფორმაციით, დაშავდა ერთი ადამიანი - ის კლინიკაშია გადაყვანილი.

საგანგებო სიტუაციების სახელმწიფო სამსახურში განაცხადეს, რომ მაშველებმა ხანძარი ჩააქრეს სამი ათას კვადრატულ მეტრ ფართობზე. ხანძრის ლიკვიდაციაში 11 ერთეული ტექნიკა და 52 პერსონალი მონაწილეობდა.