ნიდერლანდები უკრაინას დრონების საწინააღმდეგო 100 რადარსა და 20 ევაკუაციის მანქანას გადასცემს

ნიდერლანდები უკრაინას 100 ერთეულ დრონების ამომცნობ რადარსა და 20 სამედიცინო ევაკუაციის მანქანას გადასცემს 175 მილიონი ევროს ოდენობის ახალი დახმარების პაკეტის ფარგლებში, – ამის შესახებ ნიდერლანდების თავდაცვის მინისტრმა რუბენ ბრეკელმანსმა განაცხადა.

მისი თქმით, რადარების გადაცემა, რომლებიც გამჭოლი დრონების იდენტიფიცირებას და მონაცემების საჰაერო თავდაცვის სისტემებისთვის გადაცემას უზრუნველყოფს, წლის ბოლომდე დასრულდება.

დახმარების ეს ახალი ეტაპი მოჰყვა 500 მილიონი ევროს შეთანხმებას, რომლის ფარგლებში უკრაინის სამხედრო ინდუსტრიამ 600,000 დრონის წარმოება უნდა უზრუნველყოს.

ნიდერლანდებმა უკრაინას უკვე დაახლოებით 10 მილიარდი ევროს ოდენობის სამხედრო დახმარება გაუწია მას შემდეგ, რაც 2022 წლის დასაწყისში რუსეთმა სრულმასშტაბიანი ომი დაიწყო.