მუქარისა და გინების პოლიტიკა

მუქარა, გინება, პირდაპირ ეთერში შეჭრა - ქართული ოცნების ძალადობის პოლიტიკა მაყურებელმა გუშინ პალიტრას თოქ შოუში ნახა. ირაკლი ზარქუა მოულოდნელად შევიდა სტუდიაში და სტრატეგია აღმაშენებლის ლიდერს შეაგინა, შემდეგ კი დაემუქრა, რომ ფიზიკურად გაუსწორდებოდა. ოცნებას კოლეგის ძალადობრივი ქცევა არ დაუგმია, ზარქუას ქმედებებს გამართლებას უძებნიან ახლაც, როგორც მაშინ, როცა მმართველი პარტიის წევრმა ამერიკელ სენატორს ჩათლახი უწოდა. ოპოზიციაში ამბობენ, რომ ძალადობის წახალისება ოცნების სავიზიტო ბარათად იქცა. სატელევიზიო არქივი ამ მხრივ მდიდარია, მარტა ქურასბედიანი გვეტყვის, დარჩება თუ არა ამჯერადაც რეაგირების გარეშე დეპუტატის ქცევა