მსახიობი თენგიზ არჩვაძე გარდაიცვალა

მსახიობი თენგიზ არჩვაძე 91 წლის ასაკში გარდაიცვალა. ინფორმაციას კოტე მარჯანიშვილის სახელობის თეატრი ავრცელებს.

"ღრმა მწუხარებას გამოვთქვამთ საქართველოს სახალხო არტისტის, სახელმწიფო და შოთა რუსთაველის სახელობის პრემიის ლაურეატის, ბატონი თენგიზ არჩვაძის გარდაცვალების გამო!

მარჯანიშვილის თეატრის სახელით ვუსამძიმრებთ გარდაცვლილი მსახიობის ოჯახს, ახლობლებსა და კოლეგებს", - ვკითხულობთ თეატრის მიერ გამოქვეყნებულ პოსტში.