მოსამართლე თამარ მჭედლიშვილმა 22 წლის თედო აბრამოვი უდანაშაულოდ ცნო

მოსამართლე თამარ მჭედლიშვილმა ნარკოდანაშაულის ბრალდებით დაკავებული 22 წლის თედო აბრამოვი უდანაშაულოდ ცნო. ის დარბაზიდან გაათავისუფლეს.

გადაწყვეტილება მოსამართლემ რამდენიმე წუთის წინ გამოაცხადა.

22 წლის თედო აბრამოვი 2024 წლის 7 დეკემბერს პოლიციამ საკუთარ სახლთან დააკავა. ის რუსთაველზე, საპროტესტო აქციაზე მიდიოდა.

პროკურატურის ვერსიით, თედო აბრამოვს ჩხრეკისას ქურთუკის წინა ჯიბიდან 5 გრამი კლუბური ნარკოტიკი ამოუღეს, რაც განსაკუთრებით დიდი ოდენობაა.

პროკურატურამ მას ბრალი 260-ე მუხლით წარუდგინა, რაც განსაკუთრებით დიდი ოდენობით ნარკოტიკული საშუალების, მისი ანალოგის ან პრეკურსორის უკანონო დამზადებას, წარმოებას, შეძენას, შენახვას, გადაზიდვას ან გადაგზავნას გულისხმობს.