მდინარაძე: მკაცრად შეაფასა ბორელმა იმპიჩმენტის საკითხი, სხვა ნეგატიური გზავნილებიც იყო

მე უფრო მეტს გეტყვით, თქვენ კიდევ რბილად თქვით, კიდევ უფრო მკაცრად შეაფასა, ჩემი გადასახედიდან, ბორელმა, მაგალითად, იმპიჩმენტის საკითხი და სხვა მკაცრი და საკმაოდ ნეგატიური გზავნილებიც იყო - პოზიტიურიც იყო, უნდა ვთქვათ, ძალიან პოზიტიური გზავნილებიც იყო, მაგრამ ნეგატიური გზავნილებიც იყო.

ძალიან მენიშნა, მე პირადად, ერთი შედარება, როდესაც სტუდენტი აბრალებს პროფესორს მის წარუმატებლობას. მე ვფიქრობ, რომ შედარება, თუ ნებად დამრთავთ და არ გავკადნიერდები ალბათ და გავაკრიტიკებ ამ მოსაზრებას იქიდან გამომდინარე, რომ არასწორი შედარებაა, ჩემი აზრით. არ მგონია, რომ ჩვენი და ჩვენი ევროპელი მეგობარი ქვეყნების დემოკრატიის ხარისხი ისე განსხვავდებოდეს ერთმანეთისგან, როგორც რომელიმე პროფესორის ან რომელიმე სტუდენტის ცოდნა, ეს ერთი.

და მეორე, არის შემთხვევები, როდესაც პროფესორები არასამართლიანად უწერენ დაბალ ქულას სტუდენტებს, ასეთი შემთხვევებიც გვხვდება. ასეთ მოვლენასთან ხომ არ გვაქვს საქმე?