მარგველაშვილი ოპოზიციის აკრძალვაზე: ეს ის არის, რასაც ფაშიზმს ეძახიან

ეს ის არის, რასაც ეძახიან ფაშიზმს. როცა განსხვავებული აზრი მიუღებელია, როცა სხვა ყველა ხმა, გარდა იმ ხმისა, რომელსაც ერთმნიშვნელოვნად ეს პერსონაჟი და სხვა პერსონაჟებიც კი არ განაპირობებენ, ამ ხმას განაპირობებს ერთი ხმა მხოლოდ - ბიძინა ივანიშვილის. თუ ეს მოლოდინი არის, რომ ქართული საზოგადოება, ქართული კულტურა, რომელიც არის მრავალხმოვანი და მრავალფეროვანი ალაპარაკდება ივანიშვილთან უნისონში, ეს პრინციპული გაუგებრობაა იმისა - რა ვართ და ვინ ვართ ქართველები. ჩვენ ვართ მრავალფეროვნების, მრავალხმოვანების ქვეყანა და არ ვართ ფაშისტური საქართველო, არც საქართველო სსრ არ ვართ ამასთან ერთად.