"ქალები ვირჩევთ ევროპას" - 20 აპრილს ქალთა მარში გაიმართება
20 აპრილს რუსული კანონის წინააღმდეგ საქართველოს მასშტაბით ქალთა მარში გაიმართება. აქციის ორგანიზატორები მოუწოდებენ პარლამენტს, გაიწვიოს კანონპროექტი.
"ჩვენ ვცხოვრობთ სახელმწიფოში, რომელიც სათანადოდ არასდროს იცავდა ქალების უფლებებს და ინტერესდებოდა ჩვენი პრობლემებით. რუსული კანონით კი საბოლოოდ გვდევნიან ყველა სივრციდან. ჩვენ ვეღარ გაგაგონებთ ხმას, როდესაც განვიცდით ძალადობას, ვითხოვთ მკურნალობას, ჩვენს შვილებს სჭირდებათ წამალი, ონკოპაციენტი ქალები და ოჯახის წევრები ითხოვენ შველას ან სხვა პრობლემის წინაშე ვდგავართ. რამეთუ არც პარლამენტში იქნებიან ჩვენი ინტერესების დამცველები, და არ იარსებებს არც დამოუკიდებელი მედია, რომ თქვენ და ერთმანეთს მივაწვდინოთ ხმა!", - აღნიშნავენ ორგანიზატორები.
