ისრაელი აცხადებს, რომ ღაზის სექტორში სახმელეთო ოპერაციას აფართოებს

ისრაელის თავდაცვის ძალების ცნობით, ღაზის სექტორში სახმელეთო ოპერაციას აფართოებენ.

"ისრაელის შეიარაღებული ძალები ღაზის სექტორის მთელ ტერიტორიაზე სახმელეთო ოპერაციებს აფართოებს", - ამბობს ისრაელის თავდაცვის ძალების სპიკერი.

ჰაგარის თქმით, ისრაელელმა სამხედროებმა ტერორისტების შტაბ-ბინაზე თავდასხმები განახორციელეს. ამასთან, ის აღნიშნავს, რომ არმია უკვე აკონტროლებს ჰამასის გვირაბებს, სადაც დაჯგუფების მეთაურები იმყოფებიან.

7 ოქტომბერს ღაზის სექტორიდან ისრაელის მიმართულებით ათობით რაკეტა გაუშვეს. ქვეყნის მასშტაბით განგაშის სირენები ამოქმედდა. თავდასხმაზე პასუხისმგებლობა პალესტინურმა დაჯგუფება ჰამასმა აიღო და თქვა, რომ 20 წუთში 5 000 რაკეტა გამოიყენეს.

გავრცელებულ შეტყობინებაში, ჰამასის სამხედრო მეთაურმა, მოჰამედ დეიფმა ამას ოპერაცია "ალ-აკსას წარღვნა" უწოდა და პალესტინელებს შეერთებისკენ მოუწოდა.

ისრაელის შეიარაღებულმა ძალებმა ჰამასის წინააღმდეგ საპასუხო დარტყმები განახორციელეს - მათ სამხედროების მობილიზება დაიწყეს და "საომარი მდგომარეობის" შესახებ გაფრთხილება გამოაცხადეს.

ისრაელის პრემიერმინისტრმა, ბენიამინ ნეთანიაჰუმ ამას ომი უწოდა - მისი თქმით, წინ ხანგრძლივი ბრძოლა ელით, თუმცა ისრაელი ომს მოიგებს, ხოლო ჰამასი პასუხს აგებს ამ ქმედებებისთვის.