გედევან ფოფხაძე შიმშილობას იწყებს

გედევან ფოფხაძე შიმშილობას იწყებს. ეს განცხადება მან რუსთაველის გამზირზე, პარლამენტთან გააკეთა და თქვა, რომ უერთდება ელენე ხოშტარიას პროტესტს.

"მე ვუერთდები ელენე ხოშტარიას აქციას, მეც დღეიდან ვიწყებ შიმშილობას. აბსოლუტურად ვეთანხმები ელენეს იმაში, რომ შეუძლებელია დღეს ამ რეჟიმთან რაიმე ფორმის თანამშრომლობა.

ფაქტობრივად, შექმნილია უკანონო რეპრესიული სისტემა ადამიანების დევნის, არის არალეგიტიმური სახელმწიფო სისტემა, რომელიც უბრალოდ ემსახურება ერთი ადამიანის კერძო ინტერესებს, ამ ფონზე, ჩვენ თუ არ დავუპირისპირდით ამ ყველაფერს ჩვენი თავგანწირვით, პრინციპული პოზიციით და რაიმე ელემენტი დავტოვეთ მათთა შესაძლო თანამშრომლობის, ამით ვღალატობთ იმ ხალხსაც, ვინც ციხეში უკანონოდ ზის და საზოგადოებასაც. ამიტომ, მგონია დღეს არის პროტესტის სწორი ფორმა", - თქვა მან.

გუშინ, 27 ივნისს კოალიცია ცვლილებებისთვის ერთ-ერთმა ლიდერმა, ელენე ხოშტარიამ რუსთაველის გამზირზე შიმშილობა გამოაცხადა.