ევროპარლამენტი საქართველოში პოლიტიკურ არეულობასთან დაკავშირებით დებატებს გამართავს
ევროპარლამენტი მომდევნო კვირას საქართველოში პოლიტიკურ არეულობაზე დებატებს გამართავს.
ასევე, რადიო თავისუფლების ევროპული ბიუროს რედაქტორ რიკარდ იოზვიაკის ინფორმაციით, ევროპარლამენტი 21 იანვარს საქართველოს საკითხზე დებატებს გამართავს.
"ევროპარლამენტი სამშაბათს (21 იანვარს) განიხილავს საქართველოს საკითხს, თუმცა რეზოლუციის კენჭისყრა პირველად თებერვლის სესიაზე გაიმართება," - წერს იოზვიაკი.
სადებატო განრიგში აღწერილია, რომ ევროპარლამენტი დებატებს საქართველოში პოლიტიკურ არეულობასა და ბელარუსში მიმდინარე რეპრესიებზე გამართავს.
ასევე, დებატები გაიმართება ამერიკის შეერთებული შტატების ახლად არჩეულ პრეზიდენტ დონალდ ტრამპის გავლენაზე ევროკავშირისა და აშშ-ს ურთიერთობებზე.
ამასთან, დებატები შეეხება ღაზაში ცეცხლის შეწყვეტასა და ისრაელი-პალესტინის სახელმწიფოების გადაწყვეტის პერსპექტივებს.
