"ძაღლზე იძალადა, მე-8 სართულიდან გადააგდო" - პროკურატურამ ერთ ადამიანს ბრალდება წარუდგინა

"ძაღლზე იძალადა, მე-8 სართულიდან გადააგდო" - პროკურატურამ ერთ ადამიანს ბრალდება წარუდგინა

პროკურატურამ ცხოველის მიმართ სასტიკი მოპყრობისა და ძალადობის საქმეზე ერთ ადამიანს ბრალდება წარუდგინა.

უწყების ინფორმაციით, გამოძიებით დადგინდა, რომ 29 ნოემბერს თბილისში ბრალდებულმა მამის კუთვნილ ძაღლზე იძალადა, ხოლო შემდეგ საცხოვრებელი კორპუსის მე-8 სართულის აივნიდან გადააგდო. ბრალდებულების ქმედების შედეგად ძაღლი გარდაიცვალა.

სამართალდამცველებმა ბრალდებული 30 ნოემბერს დააკავეს. მას ბრალდება სისხლის სამართლის კოდექსის 259-ე მუხლის მე-3 ნაწილით (ცხოველისადმი სასტიკი მოპყრობა და სხვაგვარი ძალადობა, რამაც მისი დაღუპვა გამოიწვია) წარედგინა, რაც სასჯელის ზომად 1-დან 4 წლამდე თავისუფლების აღკვეთას ითვალისწინებს.

"პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს", - აცხადებს უწყება.