დრონების იერიში ხარკოვის რეგიონზე – 8 დაშავებული და ხანძრები
ღამით, რუსულმა უპილოტოებმა ხარკოვის რეგიონზე იერიში მიიტანეს. შეტევის შედეგად დაზიანდა სამოქალაქო ინფრასტრუქტურა და რამდენიმე ლოკაციაზე ხანძარი გაჩნდა. დაშავდა 8 ადამიანი.
ხარკოვის ოლქის გუბერნატორის, ოლეგ სინეგუბოვის ინფორმაციით, იერიშის სამიზნე იყო სამი დასახლებული პუნქტი. პესოჩინში დრონის დარტყმის შედეგად დაზიანდა ავტოსერვისის შენობა და გაჩნდა ხანძარი, ხოლო კურორტნოში და დერჰაჩებში დაზიანდა სამოქალაქო ობიექტები, რომლებშიც ცეცხლი გავრცელდა.
შეტევის შედეგად რეგიონის რამდენიმე ნაწილში კვლავ რჩება კრიტიკული ვითარება.
