ბოკუჩავა: ოლიგარქიული მმართველობა მანამ იქნება, სანამ ივანიშვილის რეჟიმი ხელისუფლებაშია
თინა ბოკუჩავა
31.12.23 15:04
ყველას ძალიან კარგად ესმის ქვეყნის შიგნით და ქვეყნის გარეთ, რომ ოლიგარქიული მმართველობა იყო, არის და იქნება მანამ, სანამ ივანიშვილის რეჟიმი არის ხელისუფლებაში რაიმე ფორმით. ამიტომ არის მნიშვნელოვანი ხელისუფლების მშვიდობიანი ცვლილება და მე დარწმუნებული ვარ, რომ ეს ასეც იქნება 2024 წელს და ამის დასაზღვევად მოვიდა შემოვიდა ის პოლიტიკაში მესამედ.
განაცხადა ნაციონალური მოძრაობის წევრმა, თინა ბოკუჩავამ.
გუშინ ქართულმა ოცნებამ წლის შემაჯამებელ ყრილობაზე პარტიის დამფუძნებელი, ბიძინა ივანიშვილი საპატიო თავმჯდომარედ აირჩია. მანამდე, რამდენიმე წუთით ადრე გავრცელდა ინფორმაცია, რომ ივანიშვილი პოლიტიკაში ბრუნდება.
