ბაკურიანში თოვლის მასაში მოყოლილი კაცის სამძებრო სამუშაოები დროებით შეწყდა

ბაკურიანში დროებით შეწყდა იმ კაცის სამძებრო სამუშაოები, რომელიც დღეს დილით ჩამოწოლილმა ზვავმა მოიყოლა.

უწყებაში აცხადებენ, რომ სამძებრო-სამაშველო ოპერაციის შეწყვეტის მიზეზი ზვავსაშიშროებაა, ხოლო პროცესი გაგრძელდება მას შემდეგ, რაც ამინდი მაშველებს მუშაობის საშუალებას მისცემს.

ზვავი ბაკურიანში დღეს დილით ჩამოწვა, როცა მთაში სასრიალოდ 5 ადამიანი იმყოფებოდა, რომელთაგან ერთის - 48 წლის კაცის სამძებრო სამუშაოები ამ დრომდე მიმდინარეობდა.