აშშ-ის საელჩო: ვულოცავთ სომხეთ-აზერბაიჯანს მშვიდობის ახალი ეპოქის დაწყებას

აშშ-ის საელჩო საქართველოში სომხეთსა და აზერბაიჯანს შორის თეთრ სახლში დადებულ სამშვიდობო ხელშეკრულებას ეხმაურება.

განცხადებაში აღნიშნულია, რომ პრეზიდენტ დონალდ ტრამპის შუამავლობით გაფორმებული ეს ისტორიული შეთანხმება, ორივე ქვეყნისა და სამხრეთ კავკასიის რეგიონში ეკონომიკური განვითარების მნიშვნელოვანი საფუძველი იქნება.

"აშშ დღეს სომხეთსა და აზერბაიჯანს შორის ისტორიული სამშვიდობო შეთანხმების გაფორმებას აღნიშნავს. პრეზიდენტმა ტრამპმა ეს მხარეები ერთ მაგიდასთან შეკრიბა და შუამავლობა გაუწია შეთანხმებას, რომელმაც ათწლეულების კონფლიქტი დაასრულა. ეს არის შესაძლებლობა ორივე ქვეყნისთვის წინსვლისა და სამხრეთ კავკასიის რეგიონში ეკონომიკური პოტენციალის გამოვლენისთვის, რომლის შედეგიც იქნება სავაჭრო შეთანხმებები და კეთილდღეობა, როგორც ამერიკელი, ისე სომეხი და აზერბაიჯანელი ხალხისთვის. ვულოცავთ ორივე ქვეყანას მშვიდობის ახალი ეპოქის დაწყებას", - წერს აშშ-ის საელჩო.