აშშ-ის საელჩო: სიამაყეს, რომლითაც ქართული ენის სიყვარულს დაატარებთ, ვერავინ წაგართმევთ
აშშ-ის საელჩო ქართველ ხალხს დედაენის დღეს ულოცავს და გაეროში ვეფხისტყაოსნის ხელნაწერთან აშშ-ის ელჩი ლინდა ტომას-გრინფილდის ფოტოს აქვეყნებს.
"გაეროში დაცული ვეფხისტყაოსნის ხელნაწერის ხილვისას ნათლად ჩანს, რომ ქართველი ხალხისთვის ენა „ღვთაებრივი საუნჯეა."
45 წლის წინ თქვენ არა მხოლოდ საბჭოთა რეჟიმს, არამედ მთელ მსოფლიოს დაანახეთ, რომ სიამაყეს, რომლითაც ქართული ენის სიყვარულს დაატარებთ, ვერავინ წაგართმევთ.
გილოცავთ დედაენის დღეს!" - წერს საელჩო.
