ISW: უკრაინის მოკავშირეები უკრაინული ძალებისთვის საბრძოლო მასალის წარმოებას ზრდიან
ომის კვლევის ამერიკული ინსტიტუტის (ISW) ცნობით, უკრაინის მოკავშირეები უკრაინული ძალებისთვის საბრძოლო მასალის წარმოებას ზრდიან.
"აშშ დგამს ნაბიჯებს საარტილერიო ჭურვების შიდა წარმოების გაზრდისთვის უკრაინის მხარდასაჭერად. გამოცემა Bloomberg-მა გაავრცელა ინფორმაცია აშშ-სა და თურქეთს შორის შეთანხმების შესახებ, რომელიც განხილვის პროცესშია.
პენტაგონმა კონტრაქტი გააფორმა ამერიკულ თავდაცვის კომპანია General Dynamics Ordnance and Tactical Systems-თან. აშშ-ს არმია ცდილობს, გააორმაგოს 155 მმ-იანი ჭურვების ყოველთვიური წარმოება", - ნათქვამია განცხადებაში.
ამასთან, ჩეხეთმა საკუთარი ინიციატივა უკრაინისთვის საარტილერიო ჭურვების შესყიდვის შესახებ თებერვალში, მიუნხენის უსაფრთხოების კონფერენციაზე გამოაცხადა. ინიციატივას ევროპის 18 ქვეყანა შეუერთდა.
