ISW: უკრაინელი ჯარისკაცები ბახმუტთან დაწინაურდნენ
ომის კვლევის ამერიკული ინსტიტუტის (ISW) ცნობით, უკრაინელი ჯარისკაცები დონეცკის ოლქის ქალაქ ბახმუტთან დაწინაურდნენ.
"უკრაინელი ჯარისკაცები ბახმუტთან და დასავლეთ ზაპოროჟიეს რეგიონში დაწინაურდნენ. გეოლოკაციის კადრები აჩვენებს, რომ უკრაინული ძალები კურდიუმოვკას ჩრდილო-აღმოსავლეთით (ბახმუტის სამხრეთ-დასავლეთით 10 კმ) წინ წავიდნენ.
ამასთან, 29 ოქტომბრის გეოლოკაციის კადრები მიუთითებს, რომ უკრაინელ სამხედროებს რაბოტინოს დასავლეთით მცირე პროგრესი აქვთ", - აცხადებს ომის კვლევის ამერიკული ინსტიტუტი.
უკრაინის შეიარაღებული ძალების გენერალური შტაბის ინფორმაციით, უკრაინული ჯარები ბახმუტთან და მელიტოპოლის მიმართულებით შეტევით ოპერაციებს აგრძელებენ. უკრაინის ცნობით, რუსულმა ძალებმა ბახმუტთან დაჯგუფება მნიშვნელოვნად გააძლიერეს.
