EU: სომხეთ-აზერბაიჯანის შეთანხმება გზას უხსნის რეგიონის ხანგრძლივ, მდგრად მშვიდობას

ევროპის საბჭოს პრეზიდენტის, ანტონიო კოსტა და ევროკომისიის პრეზიდენტი, ურსულა ფონ დერ ლაიენი სომხეთ-აზერბაიჯანის სამშვიდობო ხელშეკრულების გაფორმებასთან დაკავშირებით ერთობლივ განცხადებას ავრცელებენ.

განცხადებაში აღნიშნულია, რომ ეს შეთანხმება ორივე ქვეყნისა და რეგიონისთვის მდგრადი მშვიდობის საფუძველი იქნება.

"ევროკავშირი თბილად მიესალმება აზერბაიჯანის პრეზიდენტ ალიევისა და სომხეთის პრემიერ-მინისტრ ფაშინიანის დღევანდელ შეხვედრას, რომელსაც აშშ-ის პრეზიდენტი ტრამპი მასპინძლობდა. ასევე მიესალმება სომხეთსა და აზერბაიჯანს შორის მშვიდობისა და სახელმწიფოთაშორისი ურთიერთობების დამყარების შესახებ შეთანხმების პარაფირებას.

პრემიერ-მინისტრ ფაშინიანისა და პრეზიდენტ ალიევის მიერ პოლიტიკური დეკლარაციის ხელმოწერა თეთრ სახლში პრეზიდენტ ტრამპის თანდასწრებით მნიშვნელოვანი მოვლენაა როგორც სომხეთისთვის, ასევე აზერბაიჯანისთვის, რაც გზას უხსნის ორივე ქვეყნისთვის და მთელი რეგიონისთვის ხანგრძლივ, მდგრად მშვიდობას და ასევე ევროკავშირის მრავალწლიანი ძალისხმევის კულმინაციას წარმოადგენს.

ახლა მნიშვნელოვანი იქნება შეთანხმებული ნაბიჯების დროული განხორციელების უზრუნველყოფა, რათა უზრუნველყოფილი იყოს სომხეთსა და აზერბაიჯანს შორის ურთიერთობების სრულფასოვანი ნორმალიზაციისკენ სტაბილური და შეუფერხებელი პროგრესი.

როგორც არაერთხელ აღინიშნა ორივე ლიდერისთვის, მათ შორის ბოლო დროს 2025 წლის მაისში ტირანაში ევროპის ეკონომიკური თანამშრომლობის საბჭოს სამიტის ფარგლებში, პრეზიდენტი კოსტა და პრეზიდენტი ფონ დერ ლაიენი გულწრფელად არიან წახალისებულნი აზერბაიჯანისა და სომხეთის ლიდერების მიერ ბოლო რამდენიმე წლის განმავლობაში ორმხრივ გზაზე გადადგმული გადამწყვეტი ნაბიჯებით, რაც ასევე ეფუძნება ბრიუსელში მათი წარსული დისკუსიების სერიას.

ევროკავშირი მტკიცედ უჭერს მხარს სომხეთ-აზერბაიჯანის ნორმალიზაციის პროცესს და მზადაა ინვესტიცია ჩადოს რეგიონულ კავშირსა და სრულ გახსნილობაში, რაც, პირველ რიგში, კონფლიქტის მემკვიდრეობით გაყოფილი მოსახლეობის საკეთილდღეოდ გამოიყენება და რეგიონს მდგრად მშვიდობასთან, სტაბილურობასა და კეთილდღეობასთან დააახლოებს", - წერია განცხადებაში.