ზელენსკი: ყველა დარწმუნებული უნდა იყოს, რომ უკრაინასთან ერთად NATO ბევრად ძლიერი გახდება
უკრაინის პრეზიდენტის, ვოლოდიმირ ზელენსკის თქმით, ყველა სახელმწიფო დარწმუნებული უნდა იყოს, რომ უკრაინასთან ერთად NATO ბევრად ძლიერი გახდება.
ამის შესახებ ზელენსკიმ ყოველდღიური ვიდეომიმართვისას განაცხადა.
"გვქონდა ხანგრძლივი თათბირი ჩვენი გეგმების შესახებ NATO-სა და ევროკავშირში ჩვენს პარტნიორებთან ურთიერთობებზე, ჩვენს კომუნიკაციასა და ნაბიჯებზე. ასევე იმ სამუშაოებზე, რომელსაც არასაჯაროდ ვაწარმოებთ მათთან.
მკაფიოდ ფორმულირებული გვაქვს ამოცანა - ჩვენი პრიორიტეტებია, სრულად მოვახდინოთ ევროკავშირთან მოლაპარაკებების დაწყების შესახებ გადაწყვეტილების რეალიზება და შევიმუშაოთ ალიანსის წევრებთან კომუნიკაციებისა და ურთიერთობების ისეთი სისტემა, რომ ყველა სახელმწიფო 100%-ით იყოს დარწმუნებული იმაში, რომ უკრაინასთან ერთად NATO ბევრად ძლიერი გახდება", - ამბობს ზელენსკი.
ამასთან, ვიდეომიმართვაში უკრაინის პრეზიდენტმა გახშირებულ სარაკეტო შეტევებზე ილაპარაკა და საჰაერო თავდაცვის ძალებს მადლობა გადაუხადა.
