უნგრეთი უკრაინისთვის EU-ს სამხედრო დახმარების ახალ ტრანშს ბლოკავს

უნგრეთმა უკრაინისთვის ევროკავშირის ევროპის სამშვიდობო ფონდის [EPF] ფარგლებში გამოყოფილი სამხედრო დახმარების ახალი ტრანში არ დაამტკიცა.

EPF, არის დახმარების ინსტრუმენტი, რომელიც მიზნად ისახავს ევროკავშირის შესაძლებლობების გაძლიერებას კონფლიქტების თავიდან აცილების, მშვიდობის დამყარებისა და საერთაშორისო უსაფრთხოების გაძლიერებისკენ.

"უნგრეთი არ ეთანხმება იმ ფაქტს, რომ ევროკავშირი, სხვა არსებულ ინსტრუმენტებთან ერთად, იყენებს ევროპის სამშვიდობო მექანიზმს მხოლოდ უკრაინასთან მიმართებაში."- აცხადებს უნგრეთის მთავრობის სპიკერის ოფისი.

სპიკერის თქმით, უნგრეთის მთავრობას გადამწყვეტი მნიშვნელობა აქვს ამ საკითხში და ამიტომ მან არ დაამტკიცა EPF-დან შემდეგი ტრანშის გაცემა.

ასევე აცხადებენ, რომ სხვა სფეროები, სადაც სახსრების გამოყენება შეიძლებოდა, მოიცავს ბალკანეთს ან ჩრდილოეთ აფრიკას.

ევროკავშირმა ევრაზიის თანამშრომლობის ფონდის ფარგლებში უკრაინის სამხედრო მხარდაჭერისთვის სულ, დაახლოებით, 3,6 მილიარდი ევრო გამოყო.

უნგრეთმა, რომელიც ევროკავშირისა და ასევე NATO-ს წევრია, უარი თქვა უკრაინისთვის რაიმე სამხედრო აღჭურვილობის მიწოდებაზე.

უნგრეთმა ასევე არაერთხელ გააკრიტიკა ევროკავშირის სანქციები რუსეთის წინააღმდეგ, რომლებიც ევროკავშირის 27-ვე ქვეყანამ ასევე ერთხმად უნდა დაამტკიცოს, მაგრამ საბოლოოდ მხარი დაუჭირა აქამდე შეთანხმებულ ყველა ზომას.