ტრამპი: პუტინ-ზელენსკის შეხვედრა ნაკლებად რეალურია, სამმხრივი შედგება

აშშ-ის პრეზიდენტი დონალდ ტრამპი Daily Caller-თან ინტერვიუში აცხადებს, რომ პუტინსა და ზელენსკის შორის ორმხრივი შეხვედრა ამ ეტაპზე ნაკლებად სავარაუდოა, თუმცა სამმხრივი შეხვედრა, მისი მონაწილეობით, შედგება.

„ყოველ კვირას 5-7 ათასამდე ახალგაზრდა იღუპება. თუ ამის შეჩერება შეიძლებოდა და ამისთვის მხოლოდ თვითმფრინავის დროდადრო გაფრენა იქნებოდა საჭირო, მე ამას გავაკეთებდი. ძირითადად ევროპელები იქნებიან ჩართული, მაგრამ ჩვენაც დავეხმარებით,“ – განაცხადა ტრამპმა.

პრეზიდენტმა ხაზგასმით აღნიშნა, რომ ამერიკული ჯარის მიწაზე გაგზავნა გამორიცხულია და ამერიკა „ომში ფულს აღარ ხარჯავს“, რადგან ნატოს წევრ ქვეყნებს თავად აძლევს იარაღს და მათგან იღებს თანხას.

ტრამპმა ასევე აღნიშნა, რომ ომი მან არ დაწყო, არამედ „მემკვიდრეობით მიიღო“ და ახლა მისი მიზანია „ცეცხლი ჩაქროს“. მისი თქმით, მსგავსი კონფლიქტები არაერთხელ მოუგვარებია და უკრაინის ომიც უნდა დასრულდეს: „ეს ძალიან რთული ომია, მაგრამ ჩვენ უამრავ სიცოცხლესთან გვაქვს საქმე და თუ დახმარებით შეიძლება მისი შეჩერება, ამას გავაკეთებ.“

ტრამპმა ბოლოს განმარტა, რომ მშვიდობის მიღწევა თავად მხარეებზეა დამოკიდებული: „ტანგოსთვის ორი მხარეა საჭირო. თუ ისინი არ გადაწყვეტენ, ჩვენ ვერ მოვაგვარებთ. მაგრამ დახმარებას აუცილებლად შევეცდებით.“