ტენესის შტატის სკოლაში სროლის შედეგად დაიღუპა სულ მცირე 6 ადამიანი, მათ შორის 3 ბავშვი

ტენესის შტატის ქალაქ ნეშვილში სკოლაში მომხდარი სროლის შედეგად, მოკლულია სულ მცირე ექვსი ადამიანი, მათ შორის 3 ბავშვი - არიან დაშავებულებიც.

ნეშვილის პოლიციის ცნობით, თავდამსხმელი ლიკვიდირებულია. მათივე ინფორმაციით, ის მოზარდია.

შემთხვევა კერძო ქრისტიანულ სკოლაში მოხდა.

სკოლის ვებგვერდის ინფორმაციით, სკოლაში დაწყებითი კლასების დაახლოებით 200-მდე მოსწავლე სწავლობს. მათი საშუალო ასაკი 11-12 წელია.