სასამართლოში ბადრი ჯაფარიძის პროცესი მიმდინარეობს

ამ წუთებში, სასამართლოში პარტია ლელო - საქართველოსთვის ერთ-ერთი ლიდერის, ბადრი ჯაფარიძის პროცესი მიმდინარეობს, სადაც ე.წ. საგამოძიებო კომისიაზე მისი გამოუცხადელობის გამო, აღკვეთის ღონისძიების შეფარდებაზე უნდა იმსჯელონ.

მან პროცესზე შესვლამდე მედიასთან განაცხადა, რომ მისი მხრიდან არანაირი კანონის დარღვევას ადგილი არ ჰქონია.

"რა თქმა უნდა, არანაირი კანონის დარღვევას ადგილი არ ჰქონია, ეს არის კონსტიტუციის დარღვევით შექმნილი ე.წ. საგამოძიებო კომისია, რომლის ერთადერთი ამოცანაც ოპონენტების დევნა, შევიწროება, „გაშავებაა“, ამიტომ ეს სასამართლო პროცესი ელვისებურად ჩაინიშნა. ჩვენ მზად ვართ ნებისმიერი გამოწვევისთვის, მაგრამ ეს არის რეპრესიების ახალი ტალღა, რომელმაც არ უნდა შეგვაშინოს", - თქვა ჯაფარიძემ.