სასამართლომ USAGM-ს რადიო თავისუფლებისთვის აპრილის თანხის გადარიცხვა დაავალა

ვაშინგტონის ფედერალურმა სასამართლომ აშშ-ის გლობალური მედიის სააგენტოს (USAGM) რადიო თავისუფალი ევროპა/რადიო თავისუფლებისთვის კონგრესის მიერ დამტკიცებული თანხის გადარიცხვა დაავალა.

ინფორმაციას რადიო თავისუფლება ავრცელებს.

გადაწყვეტილება მოსამართლე როის ლამბერტმა 29 მაისს გამოაცხადა. მის მიერ გაცემული დროებითი განკარგულებით, სააგენტომ რადიო თავისუფლებას აპრილის თანხა - 12 მილიონი დოლარი უნდა გადაურიცხოს.

რადიო თავისუფალი ევროპა/რადიო თავისუფლების პრეზიდენტ სტივენ კაპუსის თქმით, მოსამართლის გადაწყვეტილება ნიშნავს, რომ ჟურნალისტები თავიანთი საქმიანობის გაგრძელებას შეძლებენ.