საგარეო: გაბონში გატაცებული ქართველი მეზღვაურები თავისუფლები არიან
საქართველოს საგარეო საქმეთა სამინისტროს ცნობით, გაბონში გატაცებული ქართველი მეზღვაურები თავისუფლები არიან. მათი ინფორმაციით, ისინი სამედიცინო შემოწმებას ნიგერიაში გადიან და მათი ჯანმრთელობის მდგომარეობა დამაკმაყოფილებელია.
"მეზღვაურები სამშობლოში უახლოეს დღეებში დაბრუნდებიან. მათ მგზავრობას დამსაქმებელი კომპანია უზრუნველყოფს", - ამბობენ საგარეოში.
ქართველი მეზღვაურები ცენტრალური აფრიკის, გაბონის ტერიტორიულ წყლებში, ღუზაზე მდგომი მარშალის კუნძულების დროშის ქვეშ მცურავი გემიდან 2 მაისს გაიტაცეს.
