რუსეთმა 81 ევროპული მედიასაშუალების მაუწყებლობა დაბლოკა

რუსეთმა ქვეყანაში 81 ევროპული მედიასაშუალების მაუწყებლობა აკრძალა. ინფორმაციას ამის შესახებ ქვეყნის საგარეო საქმეთა სამინისტრო ავრცელებს.

კერძოდ, შეზღუდვები შეეხო მაუწყებლებს 26 ევროპული ქვეყნიდან, როგორიცაა: გერმანული Die Zeit, Der Spiegel, ფრანგული Le Monde, საინფორმაციო სააგენტო Agence France-Presse, ესპანური El Mundo, El Pais, გამოცემა Politico, Euobserver და ა.შ.

რუსეთის საგარეო ირწმუნება, რომ ეს ნაბიჯი პასუხია ევროკავშირის გადაწყვეტილებისა გაერთიანების შიგნით აკრძალულიყო კრემლის პროპაგანდისტული მაუწყებლების - RIA Novosti, Izvestia და Rossiyskaya Gazeta-ს მაუწყებლობა.

მოსკოვი საკითხთან დაკავშირებით პასუხისმგებლობას ევროკავშირს აკისრებს და აცხადებს, თუ დასავლეთ გააუქმებს თავის შეზღუდვებს, რუსეთიც შესაბამის ნაბიჯებს გადადგამს.