ყველა ისრაელელი მძევალი თავისუფალია

ისრაელში დაბრუნდა მძევლების მეორე და საბოლოო ჯგუფი, რომლებიც წითელი ჯვრის შუამავლობით ისრაელელ სამხედროებს გადაეცნენ.

13 მძევალი ახლა რეიმის სამხედრო ბაზაზე იმყოფება, სადაც ისინი პირველად, ორ წელზე მეტი ხნის შემდეგ, საკუთარ ოჯახებს შეხვდებიან და გაივლიან სამედიცინო შემოწმებას.

ეს ნიშნავს, რომ ორი წლის განმავლობაში პირველად, ჰამასისა და მისი მოკავშირეების ხელში ცოცხალი მძევლები აღარ რჩებიან.

ისრაელის ხელისუფლების ინფორმაციით, ოცივე მძევალი, რომლებიც ჯერ კიდევ ცოცხლები იყვნენ და ღაზაში იმყოფებოდნენ, ახლა ისრაელის კონტროლის ქვეშ არიან.

ჰამასმა და მისმა მოკავშირეებმა 2023 წლის 7 ოქტომბერს სამხრეთ ისრაელიდან 251 ადამიანი გაიტაცეს. თავდასხმამდე ოთხი მძევალი უკვე ჰყავდათ დატყვევებული.

ღაზაში კვლავ რჩება 26 მძევლის ცხედარი, რომლებიც ოფიციალურად გარდაცვლილებად არიან გამოცხადებული - მათი გადმოცემა უახლოეს დღეებშია მოსალოდნელი