პროკურატურამ "ზარალას" ცეცხლსასროლი იარაღის მართლსაწინააღმდეგო ტარებაზე ბრალდება წარუდგინა

პროკურატურამ, ბიზნესმენ გიორგი რამიშვილის, იგივე "ზარალას" ცეცხლსასროლი იარაღის მართლსაწინააღმდეგო ტარების ფაქტზე ბრალდება წარუდგინა.

უწყების განცხადებით, 6 ივლისს თბილისის აეროპორტში რედგენო-სკანერით შემოწმებისას რამიშვილის ბარგში აღმოაჩინეს მის სახელზე რეგისტრირებული "WALTHER PPK/S" მოდელის პისტოლეტი, მჭიდი და საბრძოლო ვაზნა.

ბიზნესმენის ბრალდება სისხლის სამართლის კოდექსის 236-ე მუხლის მე-4 ნაწილით წარედგინა, რაც ცეცხლსასროლი იარაღის მართლსაწინააღმდეგო ტარებას გულისხმობს.

მას თავისუფლების 4-დან 7-წლამდე ვადით აღკვეთა ემუქრება.

პროკურატურა "ზარალასთვის" აღკვეთის ღონისძიების სახით პატიმრობის შეფარდებას მოითხოვს.