მშობლების მკვლელობაში მსჯავრდებული ყოფილი პოლიციელი სააპელაციომ უვადო პატიმრობაში დატოვა

მშობლების მკვლელობაში ბრალდებული ყოფილი პოლიციელი სააპელაციო სასამართლომ დამნაშავედ ცნო და უვადო პატიმრობაში დატოვა. მეორე ინსტანციამ სრულად გაიზიარა საქალაქოს სასამართლოს პოზიცია.

გამოძიების ვერსიით, 30 წლის გიორგი ბეროზაშვილმა მძინარე მშობლები ჯერ მოკლა, შემდეგ კი კვალის დაფარვის მიზნით სახლს ცეცხლი წაუკიდა.

საქალაქო სასამართლომ ბეროზაშვილს უვადო პატიმრობა გასული წლის 23 იანვარს მიუსაჯა. ყოფილი პოლიციელი ბრალს არ აღიარებს.