ხაბეიშვილი ზურაბიშვილზე: გუშინ ტყუილისთვის გამოიყენეს, მგონია, რომ ივანიშვილს ახმოვანებს

სალომე [ზურაბიშვილი] არ იყენებს უფლებამოსილებას, გუშინაც გამოვიდა, გამოიყენეს ტყუილისთვის. რაღაცნაირად მგონია, რომ ბიძინა ივანიშვილს უფრო ახმოვანებს.

მე არ მინდა, რომ ასე იყოს და თუ ასე არ არის, მე მაშინვე ვიტყვი, რომ შევცდი სალომე ზურაბიშვილის ამ კრიტიკაში. არ მომერიდება, ბოდიშსაც მოვიხდი, თუ ის კონკრეტულ გადაწყვეტილებებს მიიღებს, გაათავისუფლებს გვარამიას, გაათავისუფლებს პრეზიდენტ სააკაშვილს. ვიტყვი, რომ ვცდებოდი შეფასების დროს და ეს ქალბატონი ყოფილა დამოუკიდებელი და პოლიტიკურ პროცესებში დამოუკიდებლად იყო და ნახეთ, მან მიიღო ეს გადაწყვეტილება. მას აქვს ეს შანსი, თუ ამ შანსს გამოიყენებს, მე კიდევ ვამბობ, მე პირადად, ვიტყვი, რომ შევცდი.