ქარბუქისა და შეზღუდული ხილვადობის გამო, ფარავნის უღელტეხილზე მოძრაობა აკრძალულია
საავტომობილო გზების დეპარტამენტის განცხადებით, შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავნის უღელტეხილი) მონაკვეთზე ყველა სახის ავტოტრანსპორტის მოძრაობა აკრძალულია.
დეპარტამენტი მიზეზად რთულ მეტეოროლოგიურ პირობებს, მათ შორის ქარბუქსა და შეზღუდულ ხილვადობას ასახელებს. მათი ცნობით, საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.
