ჩეხეთმა ხარებას, სირაძესა და კეზევაძეს სანქციები დაუწესა

ჩეხეთის საგარეო საქმეთა მინისტრმა იან ლიპავსკმა, დღეს, 29 იანვარს მისი ინიციატივით საქართველოს შინაგან საქმეთა სამინისტროს მაღალჩინოსნებს სანქციები დაუწესა. მან ამის შესახებ X-ზე დაწერა.

"დღეს, ჩემი ინიციატივით, მთავრობამ სანქციები დაუწესა შინაგან საქმეთა სამინისტროს სამ თანამშღომელს.

მიზეზი არის მათი პირდაპირი პასუხისმგებლობა გასულ წელს საქართველოში პროტესტის სასტიკ ჩახშობაში. ჩვენ არ გვინდა ისინი ჩეხეთის რესპუბლიკაში", - წერს ლიპავსკი.

ჩეხური მედია იმ მაღალჩინოსნების ვინაობას ასახელებს, ვისაც ჩეხეთმა სანქციები დაუწესა.

ესენი არიან:

ზვიად ხარაზიშვილი (ხარება) - შინაგან საქმეთა სამინისტროს განსაკუთრებულ დავალებათა დეპარტამენტის (გდდ) უფროსი;

ვაჟა სირაძე - საპატრულო პოლიციის უფროსი;

მირზა კეზევაძე - შინაგან საქმეთა სამინისტროს განსაკუთრებულ დავალებათა დეპარტამენტის უფროსის (ხარებას) მოადგილე.

ასევე, ჩეხეთის ელჩის საქართველოში, პეტრ კუბერნატის ცნობით, ჩეხეთის მთავრობამ საქართველოს შინაგან საქმეთა სამინისტროს 3 თანამშრომელს სანქციები დაუწერა. მან ამის შესახებ ინფორმაცია X-ზე გაავრცელა.

"ჩეხეთის მთავრობამ დღეს დაამტკიცა სანქციები საქართველოს შინაგან საქმეთა სამინისტროს 3 წარმომადგენლის მიმართ გასული წლის საპროტესტო აქციების სასტიკ ჩახშობაში მონაწილეობის გამო", - წერს კუბერნატი.