არალეგიტიმური პარლამენტის საგამოძიებო კომისიაზე ნიკა გვარამია დაიბარეს

არალეგიტიმურ პარლამენტში შექმნილ საგამოძიებო კომისიაზე პარტია ახალის ლიდერი ნიკა გვარამია დაიბარეს. ის ამის შესახებ ფეისბუქზე წერს და კომისიისგან მიღებულ შეტყობინებას აქვეყნებს.

შეტყობინების თანახმად, გვარამია 8 აპრილსაა დაბარებული.

"ბატონო ნიკა ვინაიდან ტელეფონს მითიშავთ, გაცნობებთ, რომ პარლამენტის კომისიის მიერ მოთხოვნილია თქვენ მიერ ახსნა-განმარტების მიცემა 2004-2012 წლებში ადამიანის უფლებების დაცვის სფეროში არსებული ვითარებისა და, მომდევნო წლებში, შიდა და საგარეო პოლიტიკური პროცესების შესახებ, რისთვისაც მოწვეული ბრძანდებით მიმდინარე წლის 8 აპრილს, 10.00 საათზე. აქვე შეგახსენებთ, რომ კომისიის წინაშე გამოცხადებაზე უარი წარმოადგენს სისხლის სამართლის დანაშაულს და ამგვარი ქმედება ისჯება საქართველოს კანონმდებლობით დადგენილი წესით"- ნათქვამია წერილში.

დღეს გირჩი მეტი თავისუფლების ლიდერმა ზურა ჯაფარიძემ დაწერს,რომ 4 აპრილს კომისიაზე ისიც დაიბარეს.