"არა რუსულ კანონს, არა რუსულ რეჟიმს, კი ევროპას" - პარლამენტთან აქცია განახლდა
პარლამენტთან რუსული კანონის საწინააღმდეგო მორიგი აქცია იმართება. ადგილზე ათასობით ადამიანია შეკრებილი - ისინი სკანდირებენ "არა რუსულ კანონს, არა რუსულ რეჟიმს, კი ევროპას".
აქციის მონაწილეები პარლამენტთან სხვადასხვა ლოკაციიდან მივიდნენ - მაგალითად სტუდენტების ნაწილი მსვლელობით უნივერსიტეტიდან მივიდა, ნაწილი ექსპო ჯორჯიადან, ასევე აქციას შეუერთდნენ ექიმები, რეზიდენტები და ექთნები, რომლებმაც აქცია პარლამენტთან 18:00 საათზე დაიწყეს.
რუსთაველის გამზირი გადაკეტილია - ადგილზე მობილიზებულია პოლიცია.
