Politico: ევროპელი ლიდერები რუსეთ-უკრაინას შორის ბუფერული ზონის შექმნას განიხილავენ

ევროპელი ლიდერები უკრაინულ და რუსულ ძალებს შორის 40-კილომეტრიანი ბუფერული ზონის შექმნას განიხილავენ. ამის შესახებ Politico, ხუთ ევროპელ დიპლომატზე დაყრდნობით წერს.

როგორც გამოცემა წერს, ბუფერული ზონა არის ერთ-ერთი იმ რამდენიმე წინადადებიდან, რომელიც ამჟამად განიხილება სამხედრო და სამოქალაქო ოფიციალური პირების მიერ ომის შემდგომი გადაჭრის ან უკრაინაში შესაძლო ცეცხლის შეწყვეტის შესახებ.

თუმცა, ევროპის ქვეყნებს შორის არ არსებობს ერთიანი პოზიცია ასეთი ზონის სიღრმეზე და გაურკვეველია, დათანხმდება თუ არა მას კიევი, რადგან ეს შეიძლება ტერიტორიულ დათმობებთან იყოს დაკავშირებული. დიპლომატების თქმით, ამ დისკუსიებში ამჟამად შეერთებული შტატები არ მონაწილეობს.

"დანაწილებას ისტორიული მნიშვნელობა აქვს. ევროპელმა დიპლომატებმა თავი შეიკავეს მისი ჩრდილოეთ და სამხრეთ კორეას შორის მჭიდროდ დაცულ დაყოფასთან შედარებისგან, რომლებიც ტექნიკურად კვლავ ომში არიან. ისინი უფრო ცივი ომის დროს გერმანიის დაყოფას ადარებენ", - წერს Politico.

ბუფერული ზონის მონიტორინგისთვის საჭირო ჯარების რაოდენობასთან დაკავშირებით, ოფიციალური პირები განიხილავენ 4,000-დან 60,000-მდე სამშვიდობო ძალის მსახურს. თუმცა, ჯერჯერობით არცერთ ქვეყანას არ აუღია რაიმე ოფიციალური ვალდებულება. აშშ-ის პრეზიდენტმა დონალდ ტრამპმა უკვე გამორიცხა აშშ-ის ძალების განლაგების შესაძლებლობა.

გამოცემა ასევე იტყობინება, რომ NATO უკვე ცდილობს მოამზადოს 300,000 ჯარისკაცისგან შემდგარი რეაგირების ძალა რათა დაიცვას ალიანსის აღმოსავლეთი ფლანგი მომავალი რუსული თავდასხმისგან. ხოლო, ამ მხრივ, ნებისმიერ სამშვიდობო ძალას, ორმაგი როლი ექნება

როგორც წყარომ გამოცემას განუცხადა, ჩამოყალიბების შემთხვევაში აღნიშნული სამშვიდობო ძალები უკრაინაში ორ ძირითად როლს შეითვისებენ: პატრულირება დემილიტარიზებული ზონის მახლობლად და ასევე უკრაინული ჯარების გაწვრთნა.