ISSA: მიმდინარე საპროტესტო აქციებს საქართველოს მოსახლეობის უფრო დიდი ნაწილი ემხრობა
საზოგადოებრივი აზრის უახლესი კვლევის მიხედვით, რომელსაც სოციალური კვლევისა და ანალიზის ინსტიტუტმა (ISSA) აწარმოვა, მიმდინარე საპროტესტო აქციებს საქართველოს მოსახლეობის უფრო დიდი ნაწილი (43%) ემხრობა.
ეს მაჩვენებელი მნიშვნელოვნად იზრდება თბილისის მოსახლეობასა (62%) და პროევროპული ოპოზიციის ამომრჩევლებში (78%).
ტენდენცია სხვაგვარია რეგიონებში, სადაც საპროტესტო აქციებს არ ემხრობა 40%, ხოლო ემხრობა 35%. პროტესტს არ ემხრობა "ქართული ოცნების" ამომრჩეველთა 75%.
ამასთანავე, უფრო მკვეთრია მხარდაჭერა აღნიშნული აქციების დროს დაკავებული ადამიანების მიმართ, მათ შორის "ქართული ოცნების" ამომრჩევლებშიც.
კერძოდ, მათ გათავისუფლებას ემხრობიან:
- საქართველოს მოსახლეობის 73%;
- თბილისის მოსახლეობის 79%;
- რეგიონების მოსახლეობის 70%;
- ოპოზიციის ამომრჩევლების 92%
- "ქართული ოცნების" ამომრჩევლების 40% (ეწინააღმდეგება 50%).
კვლევის მეთოდოლოგია
- კვლევის ტიპი: რაოდენობრივი კვლევა
- სამიზნე ჯგუფი: საქართველოს სრულწლოვანი (18+) მოსახლეობა
- შერჩევით ერთობლიობა: 2000 რესპონდენტი
- მეთოდი: პირისპირ ინტერვიუ
- შერჩევა: ალბათური; კერძოდ, კლასტერული შერჩევა წინასწარი სტრატიფიკაციით
- შერჩევის ცდომილება: ±2.2% მთლიანი შერჩევისთვის, 95%-იანი სანდოობით
- გამოპასუხების წილი: 71%
- საველე სამუშაოები განხორციელდა 2025 წლის 17-29 ივნისის შუალედში.
